Etikedoj

,

Le Monde Diplo en esperanto (senpage)

Murdoj kontraŭ la gazetara libereco

(http://eo.mondediplo.com/article2178.html)

La 7-an de januaro 2015 okazis islamisma terorista atako kontraŭ la satira semajngazeto Charlie Hebdo en Parizo, farita de la fratoj Chérif kaj Said Kouachi. La desegnistoj Cabu, Charb, Honoré, Tignous kaj Wolinski, la psiĥanalizistino Elsa Cayat kaj la ekonomikisto Bernard Maris, kiuj en tiu tago kunvenis en redakta konferenco, la policano Franck Brinsolaro, la mastrumanto Frédéric Boisseau kaj la korektisto Mustapha Ourrad, Michel Renaud, gasto, kaj pacgardisto, Ahmed Merabet, estis mortpafitaj de la agresintoj. Entute viktimiĝis dek du homoj mortigitaj kaj dek unu vunditaj, inter ili kvar grave. La respondecon pri la atako deklaris Al-Kaido de la araba duoninsulo.

La kolektiva murdo okazinta merkredon la 7-an de januaro 2015 ĉe la sidejo de Charlie Hebdo celis mortigi ĵurnalistojn kaj desegnistojn pro iliaj opinioj. Ĝi funebrigas la defendantojn de esprim-libereco kaj paralizas pro teruro la tutan francan socion. La teamo de la Monde diplomatique prezentas al la familioj de la viktimoj kaj al iliaj amikoj siajn kondolencojn, kaj certigas al ili pri sia solidareco.

Tiu ĵus plenumita murdo kontribuas al streĉiĝo- kaj timo-strategioj, kies elementoj estas, ve, bone konataj : pseŭdo-religiaj fanatismoj, alvokoj al « civilizo-ŝoko », iom-post-ioma redukto de la publikaj liberecoj, sub la preteksto, iluzia, garantii la sekurecon de ĉiuj kaj gajni la « militon kontraŭ terorismo ».

Komenciĝis kerna batalo. Ĝia celo estas la difino de la francaj fendolinioj. Katastrof-semantoj deziras enradikigi en Eŭropon disdividon, kiu kontraŭstarigas la diversajn partojn de la loĝantaro inter si, difinitajn laŭ sia origino, kulturo, religio. Ni ĉion faros, male, por ke kuniĝu ĉiuj subtenantoj de emancipita socio, solidara kaj ĝoja, por kiu ankaŭ la ĵurnalistoj kaj desegnistoj de Charlie-Hebdo luktis.

(de la REDAKTEJO )

(http://eo.mondediplo.com/article2178.html)

Charlie

Le Monde Diplo en esperanto (senpage)

(Cxu vi ne scias, kio estas “Le Monde Diplomatique”? Bonvolu Klaki cxi tie! )

http://eo.wikipedia.org/wiki/Le_Monde_diplomatique

Ĉefpaĝo

Advertisements